Eko budi setianto
Blambangan
Blambangan
Tanah jowo pojok wetan
Apuwo eseme ilang?
Buru kapan
Tumpuk dhengkul lungguh mbale
Madhep wetan,
Nyawang ombak kang uber-uberan
ngepusi pasir, nggawe adem nyang
pikir
gendhinge, ngiring lakune dina
sampek lingsir ring pucuk gunung
basanane, ngudang tanduran
gancangana bisa methik wohwohan
adhem anyep tetese bun
merujuk jamur ring galengan
subur sing kaukur
blambangan
kulon gunung wetan segara
apuwo keranta-ranta?
Metenggangen, bingung atine
Sing kuasa ngendheg lakune mega
Matawalangen , gumamang pikire
Ndeleng manuk padha ngebrung
Nggondol sisihe
Merga alas wis nana wit-witane
Ilang, di gondol wewe
Sing diumani paran-paran
Mung dikareni suket alang –
alang.
No comments:
Post a Comment